ചെങ്ങന്നൂർ താലൂക്കിൽ വെണ്മണിയിൽ ശബരിയാംമൂട്ടിൽ ഇല്ലത്ത് പരേതനായ കുഞ്ഞിക്കുട്ടൻ നമ്പൂതിരിയുടെയും ശ്രീമതി ഭാർഗവി അന്തർജ്ജനത്തിന്റെയും മകനായി 1959 ൽ ജനിച്ചു. കേരള സർവകലാശാലയിൽ നിന്ന് ബിരുദവും, ഹോസ്പിറ്റാലിറ്റി ഡിപ്ലോമയും നേടിയ ശേഷം 1980 ൽ കേന്ദ്ര ഗവ: വിനോദ സഞ്ചാര വകുപ്പിൽ ജോലിയിൽ പ്രവേശിച്ചു. 2002 ൽ സ്വയം വിരമിക്കൽ പദ്ധതിയിലൂടെ സർവീസിൽ നിന്ന് പിരിഞ്ഞു. 2003 മുതൽ തിരുവനന്തപുരം പാളയത്തുള്ള IAMS എന്ന മാനേജ്‌മെന്റ് ഇൻസ്റ്റിറ്റ്യൂട്ടിൽ ഡയറക്ടർ ആയി പ്രവർത്തിക്കുന്നു. ഈ കാലയളവിൽ ജോലിയോടൊപ്പം മദ്രാസ് യൂണിവേഴ്സിറ്റിയിൽ നിന്നും പബ്ലിക്ക് അഡ്മിനിസ്ട്രേഷനിൽ ബിരുദാനന്തര ബിരുദവും മധുര കാമരാജ് യൂണിവേഴ്സിറ്റിയിൽ നിന്ന് Tourism Management ൽ മറ്റൊരു ബിരുദാനന്തര ബിരുദവും കരസ്ഥമാക്കി. മലയാള ബ്രാഹ്മണ സമാജം തിരുവനന്തപുരം ശാഖാ രൂപീകരണം മുതൽ സജീവ പ്രവർത്തകനായ അദ്ദേഹം രണ്ടു തവണ ജില്ല പ്രസിഡന്റായും കഴിഞ്ഞ രണ്ടു കേന്ദ്ര സമിതിയുടെ ഭാഗമായും പ്രവർത്തിച്ചു. സഹധർമ്മിണി മണ്ണഞ്ചേരി മണപ്പള്ളി ഇല്ലത്ത് ജയശ്രീ അന്തർജ്ജനം പോസ്റ്റ് മാസ്റ്ററായി സേവനമനുഷ്ഠിക്കുന്നു, Software Engineer ആയ മകൾ ചിത്ര ശ്രീവത്സലൻ വിവാഹശേഷം കുടുംബത്തോടൊപ്പം സിഡ്‌നിയിൽ താമസിക്കുന്നു. മറ്റൊരു മകളായ ശില്പ ശ്രീവത്സലൻ ബാംഗ്ലൂരിൽ ഒരു US academic കമ്പനിയിൽ അക്കാഡമിക്ക് എഡിറ്ററായി ജോലി ചെയ്യുന്നു.